慈幼英文學校：桌球枱見證四十載師生情誼

喺港島區，有唔少歷史悠久嘅學校，數十年嚟一直孕育人才，亦見證時代變遷。英式桌球早年曾經俾人當係「不良少年玩意」，直到「神奇小子」傅家俊代表香港揚威世界，先至逐漸扭轉呢個印象。不過，對慈幼英文學校嘅同學嚟講，打英式桌球係習以為常嘅事——操場上嗰兩張實木桌球枱，背後藏住一條橫跨幾代學生、長達數十年嘅故事。